Eins og svo margir aðrir voru krakkarnir í Vetrarfríi núna um helgina, þ.e. Oliver og Ása Júlia – ekki alveg búið að innleiða þetta í leikskólum landsins enþá…
Þegar dagatalið var birt á heimasíðu Seljaskóla var ég snögg til og bókaði bústað í Húsafelli yfir vetrarfríið og meldaði sjálfa mig í frí þessa daga.
Ég og krakkarnir lögðum af stað eftir Bónusstopp um 6 leitið á fimmtudag og keyrðum í kolniðamyrkri. Krakkarnir voru í skýjunum þegar við komum á áfangastað og grandskoðuðu bústaðinn í einni halarófu.
Leifur kom svo til okkar seinnipartinn á föstudag við mikinn fögnuð krakkanna.
Við fórum í nokkra göngutúra og krakkarnir skelltu sér þónokkrar ferðir í rennibrautir og skoppuðu um á trampolíninu sem vekur alltaf mikla lukku.
Potturinn var vel nýttur af Ásu og Olla alla daga enda virtist mottóið hjá þeim vera að eyða amk 50% vökutímans þarna úti, þrátt fyrir kulda í lofti. Sigurborg kíkti auðvitað í pottinn líka en þau eldri voru öflugari við pottaferðirnar. Það var lika ósköp notalegt að stinga sér ofaní heitan pottinn rétt fyrir svefn og horfa á stjörnurnar, leita uppi stjörnumerkin, dást að tunglsljósinu og bara slaka á í kyrrðinni.
Kósíkvöld voru bara basic og horft á ýmislegt misgáfulegt sbr Mr Bean sem krakkarnir skemmtu sér stórkostlega yfir.
Oliver kynntist hinu stórkostlega spili Matador og vildi endalaust spila það spil. Ása gafst yfirleitt upp þegar allar götur voru farnar og húsin farin að byggjast upp = peningaleysi farið að gera vart við sig hjá henni *haha* Við vorum líka með fleiri spil en Matador gjörsigraði hug Olivers og var spilað daglega.
Við áttum sumsé dásamlega tíma í sveitinni og nutum þess að vera saman <3
Kvöldsólin heillaði mig oft um helgina og tók ég slatta af skuggamyndum líkt og þessa
og á heimleiðinni gat ég ekki annað en stoppað bílinn rétt áður en ég kom að Borgarnesi til þess að smella af þessari mynd. … nei það er ekki bara filterinn sem bjó til þessa fegurð sem birtist í íslensku landslagi… 