Jæja… ekki handavinnufærsla? skal reyna!
Annars þá er lítið í gangi í kringum okkur þessa dagana. Oliver er á fullu í skólanum og fótbolta, reyndar var svokallaður “opinn dagur” í skólanum í gær og fengum við Sigurborg að koma í heimsókn í skólann og fékk Oliver svo að hætta snemma. Fullt af sniðugu dóti í gangi eins og útipopp yfir langeldi, andlitsmáling, draugagöng, vöfflubakstur, ýmis skemmtiatriði í salnum og fleira.
Sigurborg svaf allt af sér í manduca pokanum framan á mér 🙂
Ása Júlía fékk að bjóða ömmum og öfum í heimsókn í leikskólann í síðustu viku og fengu Jóhanna amma og Maggi afi að kíkja (tengdó stungu af í Sólina á Tenerife daginn áður). Hún var alveg í skýjunum allan tímann á meðan hún dró þau um allan leikskólann til að sýna þeim sinn heim 🙂
Sigurborg Ásta vex og dafnar með hverjum deginum, hún uppgötvaði nýlega röddina sína og gerir raddæfingar oft á dag. Hún er líka farin að uppgötva leikföngin, þ.e. að hægt sé að toga þau nær sér og naga.
Þó hún sé ekkert svakalega hrifin af snuðum þá stóðst ég ekki að kaupa eitt svona handa henni 😉
