meiri helgin…

þrátt fyrir að laugardagurinn hafi verið semi rólegur þá var sunnudagurinn það ekki beint. Okkur Oliver var boðið í 1 árs afmælið hennar Sigrúnar Ástu vinkonu okkar og eftir að hafa troðið okkur út af kökum og spjalli þar á bæ ákvað ég að kíkja með pjakkinn til læknis (ekki nóg sko að pabbi SÁ sé læknir 😉 ) þar sem hann var búinn að vera með graftarmyndun í augnkrókunum – Stuð! Ég passaði mig reyndar á því að vera ekkert að þurrka úr augunum á honum á meðan við biðum eftir því að komast inn þannig að greyjið barnið var með stóra “táradropa” af greftri í báðum augnkrókum :hmm: EN það var minnsta málið fengum í raun það viðmót um leið og læknirinn sá hann “var það eitthvað annað sem þú varst að spá í en augnsmyrsl?” 🙂  Úr varð þó að læknirinn ákvað að hlusta pjakkinn og kíkja í eyrun – viti menn hann kominn með bullandi eyrnabólgu í vi. eyra og byrjandi í hæ.! og barnið ekki búið að vera lasið að neinu leiti dagana áður ❓  oh well pensilín er það heillin þar sem læknirinn mældi hann með hita í þokkabót.

Af læknavaktinni fórum við auðvitað í apótekið til að ná í lyfin handa pjakknum og að ná í Leif áður en við skelltum okkur í mat hjá tengdó þar sem jújú læknir nr 3 var staddur *hahaha* og drengurinn sjúkdómsgreindur upp á nýtt án beinnar skoðunar 😆 gamanaðissu. Maturinn var auðvitað fínn (puuuuuuuuuuuurusteikin hans Skúla tengdó klikkar seint 😉 )og litlu frændurnir alveg í essinu sínu þar sem Gunnar er búinn að draga fram gömlu matchbox bílana þeirra Leifs 🙂 ekki er ég samt alveg að ná því hvaðan Oliver hefur þessa svaðalegu bíladellu!! myndi vel skilja það ef þetta væri tengt fornbílum að mestu þar sem báðir afarnir – og 2 afabræður – eru fornbílakallar.