…

ég er voðalega tóm eitthvað þessa dagana – dagarnir líða hratt hjá og eru allir ferlega eins eitthvað. Vinna, sofa, leika við Oliver og auðvitað borða. Það er svotil það eina sem mér finnst ég gera.

Við erum reyndar búin að redda því sem redda þarf fyrir jólin – á eftir að sækja jólakortamyndirnar úr framköllun og koma jólakortunum í póst EN að öðru leiti er allt nokkurnvegin komið – m.a.s. stendur jólatréið hérna úti á svölum og bíður þess að vera tekið inn, troðið í fótinn og skreytt með allskyns drasli 🙂

Við fórum líka á síðasta jólahlaðborðið í ár í gærkvöldi. vá hvað ég er eiginlega komin með miklu meira en nóg af jólamat í bili – þakka reyndar fyrir að borða ekki síld, held reyndar að ég hefði ekki haft lyst á henni hvorteð er eftir allar fréttirnar undanfarið um sýkingar í síldinni *hrollur*
Við byrjuðum á því að fá fyrsta jólamatinn þegar laufabrauðið var skorið hjá familíunni hans Leifs daginn fyrir fyrsta í aðventu, næst fór ég með Ingu tengdó og Evu Mjöll á jólafund Zontaklúbbsins sem tengdó er í, um síðustu helgi var það svo Óðinsvé með vinnunni hans Leifs og í gærkvöldi var það svo vinnan mín í heimahúsi þar sem veisluþjónusta sá um matinn. Alveg komið gott í bili myndi ég segja 🙂

Mér fannst reyndar eitt dálítið merkilegt sem kom fram í skemmtiatriði í gær – kona eins læknisins tók sig til og las upp hluta af fylgiseðli lyfseðils lyfs sem hún tekur inn og basically missti andlitið þegar hún las seðilinn fyrst. í ljós kom nefnilega að aukaverkanir lyfsins og einkenni eitrunar eru nákvæmlega eins 😛

datt í hug að setja þetta hérna inn og svo sjáum við hvort einhverjir átti sig á hvaða lyf þetta er…

4.4 Sérstök varnaðarorð og varúðarreglur við notkun
Gæta þarf varúðar við gjöf lyfsins hjá sjúklingum með aukna blæðingartilhneigingu eða helluroða (SLE). Einnig hjá sjúklingum með veilt hjarta, nýrna- eða lifrarsjúkdóm, sérstaklega ef meðhöndlað er með þvagræsilyfi samtímis, þá þarf að fylgjast með mögulegri minnkaðri nýrnastarfsemi og vökvasöfnun.

4.8 Aukaverkanir
Algengustu aukaverkanir eru meltingaróþægindi og niðurgangur sem koma fyrir hjá 10-30% meðhöndlaðra sjúklinga
Algengar (>1%):
Almennar: Þreyta, höfuðverkur.
Meltingarfæri: Meltingartruflanir, niðurgangur, ógleði.
Húð: Útbrot.
Sjaldgæfar (0,1-1%):
Almennar: Ofnæmi (astmi), ofnæmisnefkvef, ofsakláði.
Meltingarfæri: Blæðing, sáramyndun.
Geðrænar: Svefntruflanir (andvaka), vægur kvíði.
Augu: Sjóntruflanir.
Eyru: Truflun á heyrn.
Mjög sjaldgæfar (<0,1%):
Almennar: Bjúgur.
Blóð: Hvítkornafæð, blóðflagnafæð.
Taugakerfi: Heilahimnubólga án sýkingar.
Meltingarfæri: Djúp sár í meltingarvegi.
Lifur: Áhrif á lifrarstarfsemi.
Geðræn: Þunglyndi.
Þvag- og kynfæri: Truflun á starfsemi nýrna.
Augu: Sjóndepra vegna eitrunar (Toxic amblyopi).

4.9 Ofskömmtun
Einkenni: Ógleði, kviðverkir, uppköst. Höfuðverkur, tinnitus, höfgi, meðvitundarleysi, krampar. Augntin (nystagmus), þokukennd sjón, hægur hjartsláttur, blóðþrýsingsfall. Efnaskiptablóðsýring, natríumdreyri, áhrif á nýrnastarfsemi, blóðmiga. Lækkun líkamshita. Andnauð (ARDS) í einstaka tilfellum.
Meðferð: Magatæming og viðarkol. Sýrubindandi lyf við kviðverkjum. Innrennslisvökvagjöf við blóðþrýstingsfalli, e.t.v. dópamíninnrennsli. Leiðrétta sýru- og basajafnvægi. Meðhöndlun einkenna eftir þörfum.