minningaflóð

ég er búin að vera inni í H14 í dag að taka upp úr eldhúskössunum og vaska upp og “raða” í skápana – ekkert smá mikið af minningum sem hellast yfir mann þegar maður er að taka upp hluti sem hafa verið í kassa í aðeins of langan tíma (rúmt ár).

Þær brellur sem við notuðum til þess að nýta ALLT pláss sem við gátum – t.d. að troða hnífapörunum í krukku sem við notuðum fyrir pasta og sleifum, þeytara ofl þannig í spagettíkrukkuna 😉

Ég átti oft ferlega erfitt með mig að springa ekki gjörsamlega úr hlátri þegar ég var að tína upp úr kössunum 🙂 bara gaman 🙂

Pabbi kom líka seinnipartinn til þess að hjálpa mér að setja allar hurðirnar á sinn stað í eldhúsinu 🙂 ég er ekkert smá sátt við útkomuna hjá okkur 🙂 núna á bara eftir að bora ný göt á flekahurðirnar (rennihurðir) fyrir höldurnar og þá er eldhúsið tilbúið! Við það að allar hurðirnar voru komnar upp þá þýddi það líka bara eitt – svefnherbergið losnaði! enda var það búið að vera nýtt sem vinnuaðstaða til þess að mála hurðir, bæði fyrir eldhússkápana og svo líka svefnherbergisskápana – við pabbi skelltum upp hurðunum á efri skápana í svefnherberginu líka 🙂 Þetta er allt að smella saman og maður er eitthvað svo hyber spenntur (náði t.d. algerlega að gleyma fimmtudeginum áðan 😉 )

Á morgun kemur Leifur í bæjinn og það þýðir bara að restin af dótinu okkar fer að tínast hraðar inn í H14 og áður en við vitum af verðum við flutt 😀