kaffihúsaspjall

Ég fór á bumbuhitting í annað sinn í gær. Við erum nokkrar sem erum í spjallgrúbbu á netinu og eigum allar að eiga í apríl (eða nokkrar í enda/byrjun mars/maí). Þetta er í 3ja skipti sem hópurinn hittist og svo eru e-mailsendingar fram og til baka oft í viku, þannig að maður er örlítið farin að kynnast þessum stelpum. Það er ekkert smá fyndið að sjá muninn á öllum í hverjum hittingi, sumar eru hreinlega orðnar HUGE aðrar með litlar og nettar kúlur 🙂 bara sætt, sum sé kúlur af öllum stærðum og gerðum. Það var reyndar ein merkileg uppgötvun í gær þegar 2 af stelpunum sögðu okkur hinum kynið sem þær gengju með og í ljós kom af okkur sem mættum þá erum við 3 sem ekki vissum kynið, 5 sem gengu með stelpur og 1 með strák!!! bara 1 pottþéttur strákur af 9 bumbum! Ég man reyndar ekki hvað við erum margar í heildina þarna á spjallinu, vel yfir 20 minnir mig, bara ekki allar sem mæta á hittinga. Þær sem hafa tilkynnnt kynið inn á spjallinu hafa flestar sagt að þær ættu eftir að eignast stelpur þannig að apríl er greinilega ríkjandi stelpumánuður – verður dáldið spennandi að sjá hvort ormsinn okkar ætlar að vera “eins og allir hinir” eða vera “öðruvísi” 😉
Mér finnst það frábært að hitta þessar stelpur, skemmir ekki heldur að geta setið og kjaftað svona lengi allt og ekkert.