Við fengum systkini Leifs og börnin í heimsókn í dag með það í huga að baka og skreyta piparkökur sem við og gerðum auðvitað – helling af þeim!
Þegar krakkarnir voru um það bil hálfnuð ruddist inn furðufígúra í rauðum fötum með mikið sítt skegg og stóran staf.
Jújú þarna var Bjúgnakrækir sjálfur mættur við mikla gleði krakkanna, sérstaklega miðjuhópsins 🙂
Við foreldrarnir lágum í hláturskasti yfir fíflaganginum í sveinka og krökkunum en í heildina skemmtum við okkur öll mjög vel. Krökkunum fannst þetta bara gaman og sungu Hoppulagið með sveinka og dönsuðu með 🙂
