Við skelltum okkur í útilegu um helgina á tjaldstæðinu á Selfossi – ekki bara upp á gleðina og gamanið að gera þó heldur til að sleppa við að vera stöðugt að keyra á milli RVK og Selfoss!
Hversvegna vorum við á Selfossi? jú Oliver var að keppa í fótbolta *wooohoo*
Keppnin byrjaði að morgni laugardags en Oliver átti ekki leik fyrr en í hádeginu og spilaði síðasta leik á laugardag kl 14 og svo aftur kl 10 á sunnudegi og síðasti kl 11. Í heild voru þetta 8 leikir. Þeim gekk bara lala á þessu móti líkt og venjulega. Sýnilega betur samt á sunnudeginum.
Oliver átti glæsilegan leik í síðasta leik mótsins og var alveg búinn á því eftir hann.
Þegar strákarnir voru búnir að spila á laugardeginum röltum við ásamt 2 öðrum fjölskyldum yfir á Kótilettusvæðið (fjölsk.hátíð á Selfossi) og skoðuðum leifarnar af dagskránni og krakkarnir fóru flest einn hring í Veltibíl TM. Oliver undir stýri, Alex Breki við hlið hans, Ása Júlía, Kristjana Lena & Aníta Sóley í aftursætinu. Við foreldrarnir fengum smá svona skot – jæja.. verður þetta svona eftir 8-9 ár! strákarnir á rúntinum að skuttla systrum sínum *óboj*!
Krakkarnir brölluðu ýmislegt á tjaldstæðinu utan mótsins, ýmsir leikir í gangi eins og Eina Króna (sem mér fannst æði!), njósnaferðir og almenn gleði var við völd enda fengu þau svolítið að leika lausum hala… m.a.s. Sigurborg Ásta 😉
Við tókum eftir smá þreytu í efninu í innratjaldinu hjá okkur sem reyndar endaði með því að krakkarnir rifu það aðeins í hamagangi þegar þau áttu að heita að vera að spila Tvennu (veit ekki alveg hvernig spilið þróaðist í að leika orma í Svefnpokum en það er annað mál).
Ákveðið var því að henda innratjaldinu í viðgerð hjá Ægi fyrir næstu ferð sem verður eftir 2 vikur 🙂
Ég er ekki frá því að flestar helgar sumarsins séu planaðar í eitthvað, afmæli, brúðkaup, útilegur, steggjun, sumarbústaðir og önnur ferðalög – þetta verður eitthvað 🙂
neðri röð frá vi.: Oliver, Páll Arnar
á myndina vantar Anthony