Við skelltum okkur í útilegu um helgina með yndislegum hópi fólks. Gamla vinahópnum hans Leifs og fylgifiskum þeirra. Við fjölskyldan ásamt Iðunni & Sverri + börn og Þorvaldi brunuðum í Húsafell eftir vinnu á föstudeginum, eftir smá rúnt um svæðið þar sem við þurftum jú pláss fyrir 1 hústjald, hjólhýsi, tjaldvagn + tvö auka tjöld næsta dag þá hafðist það að finna pláss rétt hjá flugbrautinni í góðu göngufæri frá WC gám + rennandi vatni. Óli & Guðrún + dætur og Maggi & Elsa + börn komu svo fyrri part dags á laugardegi.
Eftir nákvæma talningu komst í ljós að á okkar ábyrgð voru 9stk af börnum! hefðu verið 10 ef Jökull & Inga Lára hefðu komist líka. Dásamlegt hvað hópurinn hefur dafnað 😉
Það var spjallað, rölt um, spilaður Kubbur, fótbolti, skák, leikið í dúkkó, og almennt bara dundað sér þarna á milli þess sem fólk dundaði sér við að slá flugur frá sér.
->
Við ákváðum loksins (eftir að hafa talað um þetta alltof oft undan farin ár) að gera þetta að árlegum viðburði þar sem er að sjálfsögðu engin ákvæði um mætingu/fjölda gistinátta og svo frv. Bara hafa gaman og njóta þess að vera saman.